തഫ്സീർ അസ്സഅ'ദീ
تفسير السعدي
ദർസ് 18 മുതൽ 20 വരെ
അൽ ബഖറ ആയത്തുകൾ 30 - 39
🌳🌳🌳🌳🌳
ദർസ് 18:
ആയത്തുകൾ
30-34:
*وَإِذۡ قَالَ رَبُّكَ لِلۡمَلَٰٓئِكَةِ إِنِّى جَاعِلٌ فِى ٱلۡأَرۡضِ خَلِيفَةًۖ قَالُوٓاْ أَتَجۡعَلُ فِيهَا مَن يُفۡسِدُ فِيهَا وَيَسۡفِكُ ٱلدِّمَآءَ وَنَحۡنُ نُسَبِّحُ بِحَمۡدِكَ وَنُقَدِّسُ لَكَۖ قَالَ إِنِّىٓ أَعۡلَمُ مَا لَا تَعۡلَمُونَ*
നിന്റെ റബ്ബ് മലക്കുകളോടു പറഞ്ഞ സന്ദര്‍ഭം ഓര്‍ക്കുക: "ഞാന്‍ ഭൂമിയില്‍ ഒരു ഖലീഫ:യെ ഏര്‍പ്പെടുത്തു വാന്‍ പോകുന്നുവെന്ന്. അവര്‍ പറഞ്ഞു: 'അതില്‍ നാശമുണ്ടാക്കുകയും, രക്തം ചിന്തുകയും ചെയ്യുന്നവരെ നീ അതില്‍ ഏര്‍പ്പെടുത്തുകയോ⁉️ ഞങ്ങള്‍ നിന്നെ സ്തുതിച്ചു കൊണ്ടു 'തസ്ബീഹ്' ചെയ്യുകയും, നിന്റെ പരിശുദ്ധിയെ വാഴ്ത്തുകയും ചെയ്തുകൊണ്ടിരിക്കുന്നുവല്ലോ.' അവന് (അല്ലാഹു) പറഞ്ഞു: 'നിശ്ചയമായും നിങ്ങള്‍ക്ക് അറിഞ്ഞുകൂടാത്തത് എനിക്കറിയാം
*وَعَلَّمَ ءَادَمَ ٱلۡأَسۡمَآءَ كُلَّهَا ثُمَّ عَرَضَهُمۡ عَلَى ٱلۡمَلَٰٓئِكَةِ فَقَالَ أَنۢبِئُونِى بِأَسۡمَآءِ هَٰٓؤُلَآءِ إِن كُنتُمۡ صَٰدِقِينَ*
അവന് (അല്ലാഹു) ആദമിനു പേരുകളെല്ലാം പഠിപ്പിച്ചു. പിന്നെ,ആ പേരുകളുള്ള വസ്തുക്കളെ മലക്കുകള്‍ക്ക് കാണിച്ചിട്ട് അവന് പറഞ്ഞു: "ഇവയുടെ പേരുകളെപ്പറ്റി നിങ്ങള്‍ എനിക്കു വിവരം പറഞ്ഞു തരുവിന്‍-നിങ്ങള്‍ സത്യം പറയുന്നവരാണെങ്കില്‍!"
*قَالُواْ سُبۡحَٰنَكَ لَا عِلۡمَ لَنَآ إِلَّا مَا عَلَّمۡتَنَآۖ إِنَّكَ أَنتَ ٱلۡعَلِيمُ ٱلۡحَكِيمُ*
അവര്‍ പറഞ്ഞു: "നീ മഹാ പരിശുദ്ധന്‍! നീ ഞങ്ങള്‍ക്കു പഠിപ്പിച്ചതല്ലാതെ ഞങ്ങള്‍ക്കു യാതൊരു അറിവുമില്ല നിശ്ചയമായും, നീ തന്നെ സര്‍വ്വജ്ഞനും അഗാധജ്ഞനുമായുള്ളവന്‍".
*قَالَ يَٰٓئَادَمُ أَنۢبِئۡهُم بِأَسۡمَآئِهِمۡۖ فَلَمَّآ أَنۢبَأَهُم بِأَسۡمَآئِهِمۡ قَالَ أَلَمۡ أَقُل لَّكُمۡ إِنِّىٓ أَعۡلَمُ غَيۡبَ ٱلسَّمَٰوَٰتِ وَٱلۡأَرۡضِ وَأَعۡلَمُ مَا تُبۡدُونَ وَمَا كُنتُمۡ تَكۡتُمُونَ*
അവന് (അല്ലാഹു) പറഞ്ഞു: "ആദമേ, അവര്‍ക്ക് ഈ വസ്തുക്കളുടെ പേരുകളെപ്പറ്റി പറഞ്ഞു കൊടുക്കുക." അങ്ങനെ, അദ്ദേഹം അവര്‍ക്ക് അവയുടെ പേരുകളെപ്പററി പറഞ്ഞുകൊടുത്തപ്പോള്‍, അവന് (അല്ലാഹു) പറഞ്ഞു: "നിങ്ങളോട് ഞാന്‍ പറഞ്ഞില്ലേ,നിശ്ചയമായും ഞാന്‍ ആകാശഭൂമികളിലെ അദൃശ്യം അറിയുമെന്ന്⁉️നിങ്ങള്‍ വെളിവാക്കുന്നതും, നിങ്ങള്‍ ഒളിച്ചുവെച്ചുകൊണ്ടിരിക്കുന്നതും ഞാന്‍ അറിയുന്നതാണ്."
*وَإِذۡ قُلۡنَا لِلۡمَلَٰٓئِكَةِ ٱسۡجُدُواْ لِأٓدَمَ فَسَجَدُوٓاْ إِلَّآ إِبۡلِيسَ أَبَىٰ وَٱسۡتَكۡبَرَ وَكَانَ مِنَ ٱلۡكَٰفِرِينَ*
"നിങ്ങള്‍ ആദമിന് സുജൂദ് ചെയ്യുക" എന്നു നാം(അല്ലാഹു) മലക്കുകളോട് പറഞ്ഞ സന്ദര്‍ഭം ഓര്‍ക്കുക. അപ്പോൾ അവര്‍ സുജൂദ് ചെയ്തു- ഇബ്ലീസ് ഒഴികെ; അവന് വിസമ്മതിച്ചു; അഹംഭാവം നടിക്കുകയും ചെയ്തു. അവന് അവിശ്വാസികളില്‍പെട്ടവനാകുന്നു.
هَذَا شُرُوعٌ فِي ذِكْرِ فَضْلِ آدَمَ عَلَيْهِ السَّلَامُ أَبِي الْبَشَرِ
മനുഷ്യപിതാവായ ആദം അലൈഹിസ്സലാമിന്റെ ശ്രേഷ്ഠതയെക്കുറിച്ച് പരാമർശിച്ചു തുടങ്ങുകയാണിത്;
أَنَّ اللَّهَ حِينَ أَرَادَ خَلْقَهُ
അല്ലാഹു അദ്ദേഹത്തെ സൃഷ്ടിക്കാൻ ഉദ്ദേശിച്ചപ്പോൾ,
أَخْبَرَ الْمَلَائِكَةَ بِذَلِكَ،
മലക്കുകളെ അതിനെക്കുറിച്ചു വിവരം അറിയിച്ചു,
وَأَنَّ اللَّهَ مُسْتَخْلِفُهُ فِي الْأَرْضِ.
അല്ലാഹു ഭൂമിയിൽ അദ്ദേഹത്തെ പ്രതിനിധിയാക്കാൻ പോകുന്നുവെന്നും ( അറിയിച്ചു ).
فَقَالَتِ الْمَلَائِكَةُ عَلَيْهِمُ السَّلَامُ:
അപ്പോൾ മലക്കുകൾ (അ)പറഞ്ഞു:
{أَتَجْعَلُ فِيهَا مَنْ يُفْسِدُ فِيهَا}
{അതിൽ കുഴപ്പമുണ്ടാക്കുന്നവരെയാണോ നീ ആക്കുന്നത്⁉️}
بِالْمَعَاصِي
അതായത് പാപങ്ങളിലൂടെ.
{وَيَسْفِكُ الدِّمَاءَ}
{രക്തം ചിന്തിക്കൊണ്ടിരിക്കുന്നവരെയും⁉️}
وَ هَذَا تَخْصِيصٌ بَعْدَ تَعْمِيمٍ،
പൊതുവായ പരാമർശത്തിന് ശേഷമുള്ള പ്രത്യേക പരാമർശമാണിത് (General then Particular);
لِبَيَانِ شِدَّةِ مَفْسَدَةِ الْقَتْلِ،
കൊലപാതകത്തിന്റെ കുഴപ്പത്തിന്റെ തീവ്രത വ്യക്തമാക്കാൻ വേണ്ടി
وَهَذَا بِحَسَبِ ظَنِّهِمْ
അവരുടെ (മലക്കുകളുടെ) ധാരണയനുസരിച്ചാണ് ഇത് ( മലക്കുകൾ പറഞ്ഞത് ) ,
أَنَّ الْخَلِيفَةَ الْمَجْعُولَ فِي الْأَرْضِ
ഭൂമിയിൽ നിയോഗിക്കപ്പെടുന്ന പ്രതിനിധി
سَيَحْدُثُ مِنْهُ ذَلِكَ،
അവനിൽ നിന്ന് അത്തരം കാര്യങ്ങൾ ഉണ്ടാകുമെന്ന്
فَنَزَّهُوا الْبَارِيَ عَنْ ذَلِكَ،
അങ്ങനെ അവർ (മലക്കുകൾ ) സൃഷ്ടാവിനെ അതിൽ നിന്നും പരിശുദ്ധനാക്കുകയും,
وَعَظَّمُوهُ،
അവനെ മഹത്വപ്പെടുത്തുകയും ചെയ്തു.
وَأَخْبَرُوا أَنَّهُمْ قَائِمُونَ بِعِبَادَةِ اللَّهِ عَلَى وَجْهٍ خَالٍ مِنَ الْمَفْسَدَةِ
യാതൊരു കുഴപ്പവുമില്ലാത്ത വിധം അവർ (മലക്കുകൾ) അല്ലാഹുവിന്റെ ആരാധന നിലനിർത്തുന്നവരാണല്ലോ എന്നവർ അറിയിച്ചു
فَقَالُوا:
എന്നിട്ട് അവർ പറഞ്ഞു :
{وَنَحْنُ نُسَبِّحُ بِحَمْدِكَ}
{ഞങ്ങൾ നിന്റെ സ്തുതിയോടെ പ്രകീർത്തിക്കുന്നു}
أَيْ: نُنَزِّهُكَ التَّنْزِيهَ اللَّائِقَ بِحَمْدِكَ وَجَلَالِكَ،
അതായത്: നിന്റെ സ്തുതിക്കും മഹത്വത്തിനും ഇണങ്ങിയ പരിശുദ്ധി ഞങ്ങൾ നിനക്ക് നൽകുന്നു.
{وَنُقَدِّسُ لَكَ}
{ഞങ്ങൾ നിനക്കായി പവിത്രമാക്കുന്നു}
يَحْتَمِلُ أَنَّ مَعْنَاهَا:
ഇതിന്റെ അർത്ഥം ഇങ്ങനെയാകാം:
وَنُقَدِّسُكَ،
ഞങ്ങൾ നിന്നെ പരിശുദ്ധമാക്കുന്നു
فَتَكُونُ اللَّامُ مُفِيدَةً لِلتَّخْصِيصِ وَالْإِخْلَاصِ،
അപ്പോൾ (ലാം) പ്രത്യേകതയെയും ആത്മാർത്ഥതയെയും കുറിക്കുന്നതാകുന്നു.
وَيَحْتَمِلُ أَنْ يَكُونَ: وَنُقَدِّسُ لَكَ أَنْفُسَنَا،
അതല്ലെങ്കിൽ: "ഞങ്ങൾ ഞങ്ങളുടെ ആത്മാക്കളെ നിനക്കുവേണ്ടി പവിത്രമാക്കുന്നു" എന്നാകാം,
أَيْ: نُطَهِّرُهَا بِالْأَخْلَاقِ الْجَمِيلَةِ،
അതായത്:
നല്ല സ്വഭാവങ്ങളാൽ അതിനെ ഞങ്ങൾ ശുദ്ധീകരിക്കുന്നു,
كَمَحَبَّةِ اللَّهِ وَخَشْيَتِهِ وَتَعْظِيمِهِ،
അല്ലാഹുവോടുള്ള സ്നേഹം, ഭയം, മഹത്വപ്പെടുത്തൽ തുടങ്ങിയവ പോലെ;
وَنُطَهِّرُهَا مِنَ الْأَخْلَاقِ الرَّذِيلَةِ.
നീചമായ സ്വഭാവങ്ങളിൽ നിന്ന് ഞങ്ങൾ അതിനെ ശുദ്ധിയാക്കുകയും ചെയ്യുന്നു.
قَالَ اللَّهُ تَعَالَى لِلْمَلَائِكَةِ:
അല്ലാഹു തആലാ മലക്കുകളോട് പറഞ്ഞു:
{إِنِّي أَعْلَمُ}.
{തീർച്ചയായും ഞാൻ- അല്ലാഹു- അറിയുന്നു}
مِنْ هَذَا الْخَلِيفَةِ
ഈ ഖലീഫയെക്കുറിച്ച് - ആദമിനെ / മനുഷ്യനെ കുറിച്ച്,
{مَا لَا تَعْلَمُونَ} ؛
{നിങ്ങൾ- മലക്കുകൾ- അറിയാത്തത്}
لِأَنَّ كَلَامَكُمْ بِحَسَبِ مَا ظَنَنْتُمْ،
കാരണം നിങ്ങളുടെ സംസാരം നിങ്ങൾ ധരിച്ചിരിക്കുന്നതനുസരിച്ചാണ്,
وَأَنَا عَالِمٌ بِالظَّوَاهِرِ وَالسَّرَائِرِ،
ഞാനാകട്ടെ ബാഹ്യമായവയും രഹസ്യമായവയും അറിയുന്നവനാണ്.
وَأَعْلَمُ أَنَّ الْخَيْرَ الْحَاصِلَ بِخَلْقِ هَذَا الْخَلِيفَةِ،
ഈ ഖലീഫയുടെ (ആദമിൻ്റെ / മനുഷ്യൻ്റെ) സൃഷ്ടിപ്പിലൂടെ ഉണ്ടാകുന്ന നന്മ,
أَضْعَافُ أَضْعَافِ مَا فِي ضِمْنِ ذَلِكَ مِنَ الشَّرِّ
അതിൽ അടങ്ങിയിരിക്കുന്ന തിന്മയേക്കാൾ പല ഇരട്ടി അധികമാണെന്ന് (ഞാൻ അറിയുന്നു).
فَلَوْ لَمْ يَكُنْ فِي ذَلِكَ،
ഈ സൃഷ്ടിപ്പിൽ വേറെയൊരു കാര്യവുമില്ലെങ്കിലും ശരി,
إِلَّا أَنَّ اللَّهَ تَعَالَى أَرَادَ أَنْ يَجْتَبِيَ مِنْهُمُ الْأَنْبِيَاءَ وَالصِّدِّيقِينَ، وَالشُّهَدَاءَ وَالصَّالِحِينَ،
അല്ലാഹു അവരിൽ നിന്ന് നബി മാരെയും സിദ്ദീഖുകളെയും ശഹീദുകളെയും സ്വാലിഹുകളെയും തിരഞ്ഞെടുക്കാനും,
وَلِتَظْهَرَ آيَاتُهُ لِلْخَلْقِ،
സൃഷ്ടികൾക്ക് മുന്നിൽ അവന്റെ ദൃഷ്ടാന്തങ്ങൾ വെളിപ്പെടാനും,
وَيَحْصُلَ مِنَ الْعُبُودِيَّاتِ الَّتِي لَمْ تَكُنْ تَحْصُلُ بِدُونِ خَلْقِ هَذَا الْخَلِيفَةِ،
ഈ ഖലീഫയുടെ സൃഷ്ടിപ്പില്ലാതെ ഉണ്ടാകാത്ത ആരാധനകൾ ഉണ്ടാകാനും,
كَالْجِهَادِ وَغَيْرِهِ،
-ജിഹാദും മറ്റും പോലുള്ള
وَلِيَظْهَرَ مَا كَمَنَ فِي غَرَائِزِ بَنِي آدَمَ مِنَ الْخَيْرِ وَالشَّرِّ بِالِامْتِحَانِ،
പരീക്ഷണത്തിലൂടെ മനുഷ്യന്റെ സഹജസ്വഭാവങ്ങളിൽ അടങ്ങിയിരിക്കുന്ന നന്മയും തിന്മയും വെളിപ്പെടാനും,
وَلِيَتَبَيَّنَ عَدُوُّهُ مِنْ وَلِيِّهِ،
അവന്റെ ശത്രുവിനെ അവന്റെ മിത്രത്തിൽ നിന്നും പേർ തിരിഞ്ഞു കാണാനും,
وَحِزْبُهُ مِنْ حَرْبِهِ،
അവന്റെ കക്ഷിയെ അവന്റെ ശത്രു കക്ഷിയിൽ നിന്നും (വേർതിരിഞ്ഞു കാണാനും),
وَلِيَظْهَرَ مَا كَمَنَ فِي نَفْسِ إِبْلِيسَ مِنَ الشَّرِّ الَّذِي انْطَوَى عَلَيْهِ، وَاتَّصَفَ بِهِ،
ഇബ്ലീസിന്റെ ഉള്ളിൽ ഒളിഞ്ഞിരിക്കുന്നതും അവൻ ഉൾക്കൊണ്ടതും വിശേഷണമാക്കിയതുമായ തിന്മ വെളിപ്പെടാനും
فَهَذِهِ حِكَمٌ عَظِيمَةٌ، يَكْفِي بَعْضُهَا فِي ذَلِكَ.
ഇവയൊക്കെയും വലിയ യുക്തികളാകുന്നു, അതിൽ ചിലത് മാത്രം പോലും അതിന് ധാരാളമായി മതിയാകും.
🌳
ثُمَّ لَمَّا كَانَ قَوْلُ الْمَلَائِكَةِ عَلَيْهِمُ السَّلَامُ، فِيهِ إِشَارَةٌ إِلَى فَضْلِهِمْ عَلَى الْخَلِيفَةِ الَّذِي يَجْعَلُهُ اللَّهُ فِي الْأَرْضِ،
തുടർന്ന്, മലക്കുകളുടെ വാക്കുകളിൽ അല്ലാഹു ഭൂമിയിൽ ആക്കുന്ന ഖലീഫയേക്കാൾ തങ്ങൾക്കാണ് ശ്രേഷ്ഠത എന്ന സൂചനയുണ്ടായിരുന്നതിനാൽ,
أَرَادَ اللَّهُ تَعَالَى، أَنْ يُبَيِّنَ لَهُمْ مِنْ فَضْلِ آدَمَ، مَا يَعْرِفُونَ بِهِ فَضْلَهُ،
ആദമിന്റെ ശ്രേഷ്ഠത അവർക്ക് മനസ്സിലാക്കിക്കൊടുക്കുന്ന തരത്തിൽ ആദമിന്റെ ശ്രേഷ്ഠത മലക്കുകൾക്ക് വ്യക്തമാക്കിക്കൊടുക്കാൻ അല്ലാഹു ഉദ്ദേശിച്ചു.
وَكَمَالَ حِكْمَةِ اللَّهِ وَعِلْمِهِ
അല്ലാഹുവിന്റെ യുക്തിയുടെയും അറിവിന്റെയും പൂർണ്ണതയും (മലക്കുകൾക്ക് വ്യക്തമാക്കാൻ)
فَـ {عَلَّمَ آدَمَ الْأَسْمَاءَ كُلَّهَا}
അങ്ങനെ {അവൻ ആദമിന് എല്ലാ നാമങ്ങളും പഠിപ്പിച്ചു കൊടുത്തു}
أَيْ: أَسْمَاءَ الْأَشْيَاءِ، وَمَا هُوَ مُسَمًى بِهَا،
അതായത്: വസ്തുക്കളുടെ നാമങ്ങളും ആ പേര് വയ്ക്കപ്പെട്ടവയും,
فَعَلَّمَهُ الِاسْمَ وَالْمُسَمَّى،
അങ്ങനെ അവൻ ആദമിന് നാമവും നാമകരണ ചെയ്യപ്പെട്ട വസ്തുവും പഠിപ്പിച്ചു കൊടുത്തു,
أَيْ: الْأَلْفَاظَ وَالْمَعَانِيَ،
അതായത് വാക്കുകളും ആശയങ്ങളും
حَتَّى الْمُكَبَّرَ مِنَ الْأَسْمَاءِ كَالْقَصْعَةِ، وَالْمُصَغَّرَ كَالْقُصَيْعَةِ.
വലിയ പാത്രം (ഖസ്അ) പോലുള്ള വലിയ നാമങ്ങളും ചെറിയ പാത്രം (ഖുസൈഅ) പോലുള്ള ചെറിയ നാമങ്ങളും വരെ ( മുഴുവൻ വസ്തുക്കളുടെയും നാമങ്ങൾ എന്നർഥം)
🌳
{ثُمَّ عَرَضَهُمْ}
{പിന്നെ അവയെ - വസ്തുക്കള - പ്രദർശിപ്പിച്ചു
}
أَيْ: عَرَضَ الْمُسَمَّيَاتِ
അതായത് നാമകരണ ചെയ്യപ്പെട്ട വസ്തുക്കളെ,
{عَلَى الْمَلَائِكَةِ}
{മലക്കുകൾക്ക് മുമ്പിൽ}
امْتِحَانًا لَهُمْ، هَلْ يَعْرِفُونَهَا أَمْ لَا؟.
അവർക്കത് അറിയാമോ ഇല്ലയോ എന്ന് പരീക്ഷിച്ചുകൊണ്ട്.
🌳
{فَقَالَ أَنْبِئُونِي بِأَسْمَاءِ هَؤُلَاءِ إِنْ كُنْتُمْ صَادِقِينَ}
{എന്നിട്ട് അവൻ- അല്ലാഹു_ പറഞ്ഞു: ഇവരുടെ നാമങ്ങൾ എനിക്ക് പറഞ്ഞുതരൂ, നിങ്ങൾ സത്യവാദികളാണെങ്കിൽ}
فِي قَوْلِكُمْ وَظَنِّكُمْ، أَنَّكُمْ أَفْضَلُ مِنْ هَذَا الْخَلِيفَةِ.
ഈ ഖലീഫയേക്കാൾ ശ്രേഷ്ഠർ നിങ്ങളാണെന്ന നിങ്ങളുടെ വാദത്തിലും ധാരണയിലും
(നിങ്ങൾ സത്യവാൻമാർ ആണെങ്കിൽ)
{قَالُوا سُبْحَانَكَ}
{അവർ- മലക്കുകൾ- പറഞ്ഞു: നീ എത്ര പരിശുദ്ധൻ}
أَيْ: نُنَزِّهُكَ مِنَ الِاعْتِرَاضِ مِنَّا عَلَيْكَ، وَمُخَالَفَةِ أَمْرِكَ.
അതായത്: നിന്നെ എതിർക്കുന്നതിൽ നിന്നും നിന്റെ കൽപന ധിക്കരിക്കുന്നതിൽ നിന്നും ഞങ്ങൾ നിന്നെ പരിശുദ്ധനാക്കുന്നു,
{لَا عِلْمَ لَنَا}
{ഞങ്ങൾക്ക് യാതൊരു അറിവുമില്ല}
بِوَجْهٍ مِنَ الْوُجُوهِ
യാതൊരു വിധേനയും
{إِلَّا مَا عَلَّمْتَنَا}
{നീ ഞങ്ങൾക്ക് പഠിപ്പിച്ചു തന്നതല്ലാതെ}
إِيَّاهُ، فَضْلًا مِنْكَ وَجُودًا،
നിന്റെ ഔദാര്യവും ദാനവുമായിട്ട്
{إِنَّكَ أَنْتَ الْعَلِيمُ الْحَكِيمُ}
{തീർച്ചയായും നീ തന്നെയാണ് സർവ്വജ്ഞനും യുക്തിമാനും}
الْعَلِيمُ الَّذِي أَحَاطَ عِلْمًا بِكُلِّ شَيْءٍ،
സർവ്വജ്ഞൻ എന്നാൽ എല്ലാ കാര്യങ്ങളെക്കുറിച്ചും അറിവ് ചുറ്റിവലയം ചെയ്തവൻ,
فَلَا يَغِيبُ عَنْهُ وَلَا يَعْزُبُ مِثْقَالُ ذَرَّةٍ فِي السَّمَاوَاتِ وَالْأَرْضِ، وَلَا أَصْغَرُ مِنْ ذَلِكَ وَلَا أَكْبَرُ.
ആകാശഭൂമിയിലോ അതിനേക്കാൾ ചെറിയതോ വലിയതോ ആയ അണുവളവ് പോലും അവനിൽ നിന്ന് മറഞ്ഞുപോവുകയോ അല്ലാതിരിക്കുകയോ ഇല്ല.
الْحَكِيمُ: مَنْ لَهُ الْحِكْمَةُ التَّامَّةُ الَّتِي لَا يَخْرُجُ عَنْهَا مَخْلُوقٌ، وَلَا يَشِذُّ عَنْهَا مَأْمُورٌ،
യുക്തിമാൻ (അൽ-ഹകീം): യാതൊരു സൃഷ്ടിയും പുറത്തുപോകാത്തതും യാതൊരു കൽപിതനും_ കൽപിക്കപ്പെട്ടവൻ- വിട്ടുപോകാത്തതുമായ പരിപൂർണ്ണമായ യുക്തി ആർക്കുണ്ടോ അവനാണ് (അൽ ഹകീം)
فَمَا خَلَقَ شَيْئًا إِلَّا لِحِكْمَةٍ:
അതിനാൽ അവൻ ഒരു കാര്യവും ഒരു യുക്തി കൂടാതെ സൃഷ്ടിച്ചിട്ടില്ല;
وَلَا أَمَرَ بِشَيْءٍ إِلَّا لِحِكْمَةٍ،
ഒരു കാര്യവും ഒരു യുക്തി കൂടാതെ കൽപിച്ചിട്ടുമില്ല.
وَالْحِكْمَةُ: وَضْعُ الشَّيْءِ فِي مَوْضِعِهِ اللَّائِقِ بِهِ،
യുക്തി എന്നാൽ: ഒരു കാര്യം അതിന് അനുയോജ്യമായ സ്ഥാനത്ത് വെക്കുക എന്നതാണ്.
فَأَقَرُّوا، وَاعْتَرَفُوا بِعِلْمِ اللَّهِ وَحِكْمَتِهِ،
അങ്ങനെ അവർ- മലക്കുകൾ- അല്ലാഹുവിന്റെ അറിവും യുക്തിയും സമ്മതിക്കുകയും,
وَقُصُورِهِمْ عَنْ مَعْرِفَةِ أَدْنَى شَيْءٍ،
ഏറ്റവും നിസ്സാരമായ കാര്യം അറിയുന്നതിലുള്ള തങ്ങളുടെ കുറവു (മനസ്സിലാക്കുകയും)
وَاعْتِرَافِهِمْ بِفَضْلِ اللَّهِ عَلَيْهِمْ; وَتَعْلِيمِهِمْ إِيَّاهُمْ مَا لَا يَعْلَمُونَ.
തങ്ങളുടെ മേലുള്ള അല്ലാഹുവിന്റെ ഔദാര്യവും അവർ അറിയാത്ത കാര്യങ്ങൾ അവൻ പഠിപ്പിച്ചു തന്നതും അവർ സമ്മതിച്ചു.
فَحِينَئِذٍ قَالَ اللَّهُ:
അപ്പോൾ അല്ലാഹു പറഞ്ഞു:
{يَا آدَمُ أَنْبِئْهُمْ بِأَسْمَائِهِمْ}
{ആദമേ, അവയുടെ നാമങ്ങൾ നീ അവർക്ക്- മലക്കുകൾക്ക് - പറഞ്ഞു കൊടുക്കൂ}
أَيْ: أَسْمَاءِ الْمُسَمَّيَاتِ الَّتِي عَرَضَهَا اللَّهُ عَلَى الْمَلَائِكَةِ;فَعَجَزُوا عَنْهَا،
അതായത് അല്ലാഹു മലക്കുകളുടെ മുമ്പിൽ പ്രദർശിപ്പിച്ചതും അവർക്ക് അറിയാൻ കഴിയാതെ വന്നതുമായ നാമകരണ ചെയ്യപ്പെട്ട വസ്തുക്കളുടെ പേരുകൾ.
{فَلَمَّا أَنْبَأَهُمْ بِأَسْمَائِهِمْ}
{അങ്ങനെ അവരുടെ നാമങ്ങൾ അദ്ദേഹം- ആദം നബി- അവർക്ക് പറഞ്ഞു കൊടുത്തപ്പോൾ}
تَبَيَّنَ لِلْمَلَائِكَةِ فَضْلُ آدَمَ عَلَيْهِمْ; وَحِكْمَةُ الْبَارِي وَعِلْمُهُ فِي اسْتِخْلَافِ هَذَا الْخَلِيفَةِ،
അവരേക്കാൾ- മലക്കുകളേക്കാൾ- ആദമിനുള്ള ശ്രേഷ്ഠതയും ഈ ഖലീഫയെ പ്രതിനിധിയാക്കിയതിലെ സൃഷ്ടാവിന്റെ യുക്തിയും അറിവും മലക്കുകൾക്ക് വ്യക്തമായി.
{قَالَ أَلَمْ أَقُلْ لَكُمْ إِنِّي أَعْلَمُ غَيْبَ السَّمَاوَاتِ وَالْأَرْضِ}
{അല്ലാഹു പറഞ്ഞു: ആകാശഭൂമികളിലെ അദൃശ്യകാര്യങ്ങൾ ഞാൻ അറിയുന്നുവെന്ന് ഞാൻ നിങ്ങളോട് പറഞ്ഞിട്ടില്ലേ❓
............... فَإِذَا كَانَ عَالِمًا بِالْغَيْبِ;
അങ്ങനെ അല്ലാഹു അദൃശ്യമായത് അറിയുന്നവനാണെന്ന് വരുമ്പോൾ,
فَالشَّهَادَةُ مِنْ بَابِ أَوْلَى
പ്രത്യക്ഷമായകാര്യങ്ങൾ പറയേണ്ടതില്ലല്ലോ,
{وَأَعْلَمُ مَا تُبْدُونَ}
{നിങ്ങൾ വെളിപ്പെടുത്തുന്നതും ഞാൻ അറിയും}
أَيْ: تُظْهِرُونَ
അതായത് നിങ്ങൾ പുറത്തു കാണിക്കുന്നത്
{وَمَا كُنْتُمْ تَكْتُمُونَ}.
{നിങ്ങൾ മറച്ച് വെച്ചിരുന്നതും (ഞാൻ അറിയുന്നു)}.
🌳🌳🌳
ثُمَّ أَمَرَهُمْ تَعَالَى بِالسُّجُودِ لِآدَمَ;
തുടർന്ന് അല്ലാഹു അവരോട്- മലക്കുകളോട്- ആദമിന് സുജൂദ് ചെയ്യാൻ കൽപിച്ചു;
إِكْرَامًا لَهُ وَتَعْظِيمًا; وَعُبُودِيَّةً لِلَّهِ تَعَالَى،
അദ്ദേഹത്തെ ആദരിക്കാനും മഹത്വപ്പെടുത്താനുമായിട്ടും അല്ലാഹുവിനുള്ള ആരാധനയായിട്ടും.
فَامْتَثَلُوا أَمْرَ اللَّهِ;
അങ്ങനെ അവർ അല്ലാഹുവിന്റെ കൽപന അനുസരിക്കുകയും,
وَبَادَرُوا كُلُّهُمْ بِالسُّجُودِ،
എല്ലാവരും സുജൂദ് ചെയ്യുന്നതിന് വേഗത്തിൽ മുന്നോട്ടുവരികയും ചെയ്തു,
{إِلَّا إِبْلِيسَ أَبَى}
{ഇബ്ലീസ് ഒഴികെ- അവൻ വിസമ്മതിച്ചു}
امْتَنَعَ عَنِ السُّجُودِ; وَاسْتَكْبَرَ عَنْ أَمْرِ اللَّهِ وَعَلَى آدَمَ،
സുജൂദ് ചെയ്യാൻ അവൻ വിസമ്മതിക്കുകയും അല്ലാഹുവിന്റെ കൽപനയോടും ആദമിനോടും അവൻ അഹങ്കരിക്കുകയും ചെയ്തു.
قَالَ: {أَأَسْجُدُ لِمَنْ خَلَقْتَ طِينًا}
അവൻ പറഞ്ഞു: {കളിമണ്ണുകൊണ്ട് നീ സൃഷ്ടിച്ചവന് ഞാൻ സുജൂദ് ചെയ്യുകയോ⁉️}
وَهَذَا الْإِبَاءُ مِنْهُ وَالِاسْتِكْبَارُ
അവന്റെ ഈ വിസമ്മതവും അഹങ്കാരവും
نَتِيجَةُ الْكُفْرِ الَّذِي هُوَ مُنْطَوٍ عَلَيْهِ;
അവൻ ഉള്ളിലൊതുക്കിക്കൂട്ടിയിരുന്ന കുഫ്റിൻ്റെ ഫലമായിരുന്നു.
فَتَبَيَّنَتْ حِينَئِذٍ عَدَاوَتُهُ لِلَّهِ وَلِآدَمَ وَكُفْرُهُ وَاسْتِكْبَارُهُ.
അങ്ങനെ അല്ലാഹുവിനോടും ആദമിനോടുമുള്ള അവന്റെ ശത്രുതയും അവന്റെ കുഫ്റും അഹങ്കാരവും വ്യക്തമായി.
وَفِي هَذِهِ الْآيَاتِ مِنَ الْعِبَرِ وَالْآيَاتِ;
ഈ ആയത്തുകളിൽ ധാരാളം ദൃഷ്ടാന്തങ്ങളും പാഠങ്ങളുമുണ്ട്;
إِثْبَاتُ الْكَلَامِ لِلَّهِ تَعَالَى;
അല്ലാഹുവിന് സംസാരമുണ്ടെന്ന് സ്ഥിരീകരിക്കൽ അതിൽപെടുന്നു;
وَأَنَّهُ لَمْ يَزَلْ مُتَكَلِّمًا;
അവൻ സംസാരിച്ചു കൊണ്ടിരിക്കുന്നവനാണ്;
يَقُولُ مَا شَاءَ;
അവൻ ഉദ്ദേശിക്കുന്നത് അവൻ പറയുന്നു,
وَيَتَكَلَّمُ بِمَا شَاءَ;
അവൻ ഉദ്ദേശിക്കുന്ന വിഷയം അവൻ സംസാരിക്കുന്നു,
وَأَنَّهُ عَلِيمٌ حَكِيمٌ،
അവൻ സർവ്വജ്ഞനും യുക്തിമാനുമാണ്.
🌳
وَفِيهِ
ഈ ആയത്തിലുണ്ട്:
أَنَّ الْعَبْدَ إِذَا خَفِيَتْ عَلَيْهِ حِكْمَةُ اللَّهِ فِي بَعْضِ الْمَخْلُوقَاتِ وَالْمَأْمُورَاتِ
ചില സൃഷ്ടികളിലും കൽപനകളിലും അല്ലാഹുവിന്റെ യുക്തി അടിമയ്ക്ക് അവ്യക്തമായാൽ,
فَالْوَاجِبُ عَلَيْهِ;
അപ്പോൾ അവന്റെ മേൽ നിർബന്ധമുള്ള കാര്യം:
التَّسْلِيمُ;
(അല്ലാഹുവിന്ന്) കീഴ്പ്പെടുക എന്നതാണ്;
وَاتِّهَامُ عَقْلِهِ;
തന്റെ ബുദ്ധിയെ സംശയിക്കുക എന്നതും ,
وَالْإِقْرَارُ لِلَّهِ بِالْحِكْمَةِ،
അല്ലാഹുവിന്റെ യുക്തിയെ അംഗീകരിക്കുക ( എന്നതുമാണ് ).
🌳
وَفِيهِ اعْتِنَاءُ اللَّهِ بِشَأْنِ الْمَلَائِكَةِ;
മലക്കുകളുടെ കാര്യത്തിലുള്ള അല്ലാഹുവിന്റെ പരിഗണനയും ഈ ആയത്തിലുണ്ട്,
وَإِحْسَانُهُ بِهِمْ;
അവൻ അവർ ചെയ്ത നന്മയും അതിൽപെടുന്നു-
بِتَعْلِيمِهِمْ مَا جَهِلُوا;
അവർക്ക് അറിയാത്ത കാര്യങ്ങൾ പഠിപ്പിച്ചു കൊണ്ടും,
وَتَنْبِيهِهِمْ عَلَى مَا لَمْ يَعْلَمُوهُ.
അവർക്ക് അറിയാത്തവയെക്കുറിച്ച് ഉണർത്തിക്കൊടുത്തും.
🌳
وَفِيهِ فَضِيلَةُ الْعِلْمِ مِنْ وُجُوهٍ:
വിജ്ഞാനത്തിന്റെ ശ്രേഷ്ഠത പല രീതിയിലുമുണ്ടെന്ന് ഈ ആയത്തിലുണ്ട്:
مِنْهَا: أَنَّ اللَّهَ تَعَرَّفَ لِمَلَائِكَتِهِ; بِعِلْمِهِ وَحِكْمَتِهِ،
അവയിൽ പെടുന്നു: അല്ലാഹു മലക്കുകൾക്ക് തന്റെ അറിവുകൊണ്ടും യുക്തികൊണ്ടും പരിചയപ്പെടുത്തി എന്നത്.
وَمِنْهَا: أَنَّ اللَّهَ عَرَّفَهُمْ فَضْلَ آدَمَ بِالْعِلْمِ;
അവയിൽ പെടുന്നു: അല്ലാഹു മലക്കുകൾക്ക് വിജ്ഞാനം വഴി ആദമിന്റെ ശ്രേഷ്ഠത തിരിച്ചറിയിച്ചു എന്നത്;
وَأَنَّهُ أَفْضَلُ صِفَةٍ تَكُونُ فِي الْعَبْدِ،
ഒരു അടിമയിലുള്ള ഏറ്റവും മികച്ച വിശേഷണം അതാണ്.
وَمِنْهَا: أَنَّ اللَّهَ أَمَرَهُمْ بِالسُّجُودِ لِآدَمَ; إِكْرَامًا لَهُ;
لَمَّا بَانَ فَضْلُ عِلْمِهِ،
അവയിൽ പെടുന്നു: അദ്ദേഹത്തിന്റെ അറിവിന്റെ ശ്രേഷ്ഠത വ്യക്തമായപ്പോൾ ആദമിനെ ആദരിച്ചുകൊണ്ട് അല്ലാഹു മലക്കുകളോട് അദ്ദേഹത്തിന് സുജൂദ് ചെയ്യാൻ കൽപിച്ചു എന്നത്.
وَمِنْهَا: أَنَّ الِامْتِحَانَ لِلْغَيْرِ; إِذَا عَجَزُوا عَمَّا امْتُحِنُوا بِهِ;
അവയിൽ പെടുന്നു: മറ്റുള്ളവർക്കുള്ള പരീക്ഷണം; അവർ പരീക്ഷിക്കപ്പെട്ട കാര്യത്തിൽ അവർ അശക്തരാകുമ്പോൾ,
ثُمَّ عَرَفَهُ صَاحِبُ الْفَضِيلَةِ;
പിന്നീട് ശ്രേഷ്ഠനായ വ്യക്തി അത് തിരിച്ചറിയുകയാണെങ്കിൽ
فَهُوَ أَكْمَلُ مِمَّا عَرَفَهُ ابْتِدَاءً،
അത് തുടക്കത്തിൽ അറിയുന്നതിനേക്കാളും പൂർണ്ണമാണ് എന്നത്.
🌳
وَمِنْهَا: الِاعْتِبَارُ بِحَالِ أَبَوَيِ الْإِنْسِ وَالْجِنِّ;
അവയിൽ പെടുന്നു: മനുഷ്യരുടെയും ജിന്നുകളുടെയും പിതാക്കളുടെ അവസ്ഥകളിൽ നിന്നുള്ള പാഠം ഉൾക്കൊള്ളൽ;
وَبَيَانُ فَضْلِ آدَمَ;
ആദമിന്റെ ശ്രേഷ്ഠതയും
وَأَفْضَالِ اللَّهِ عَلَيْهِ;
അദ്ദേഹത്തിന്റെ മേലുള്ള അല്ലാഹുവിന്റെ അനുഗ്രഹങ്ങളും,
وَعَدَاوَةِ إِبْلِيسَ لَهُ;
ആദമിനോടുള്ള ഇബ്ലീസിന്റെ ശത്രുതയും വ്യക്തമാക്കൽ;
إِلَى غَيْرِ ذَلِكَ مِنَ الْعِبَرِ.
ഇവയ്ക്ക് പുറമെ മറ്റ് ദൃഷ്ടാന്തങ്ങളും ( ഈ ആയത്തുകളിലുണ്ട് ).
ദർസ് 19: ആയത്തുകൾ 35 - 36
*{٣٥ - ٣٦} {وَقُلْنَا يَا آدَمُ اسْكُنْ أَنْتَ وَزَوْجُكَ الْجَنَّةَ وَكُلا مِنْهَا رَغَدًا حَيْثُ شِئْتُمَا وَلا تَقْرَبَا هَذِهِ الشَّجَرَةَ فَتَكُونَا مِنَ الظَّالِمِينَ}*
നാം പറഞ്ഞു: ഹേ ആദമേ, നീയും നിന്റെ ഇണയും സ്വർഗ്ഗത്തിൽ താമസിക്കുവിൻ. അവിടെയുള്ളതിൽ നിന്ന് നിങ്ങൾ ആഗ്രഹിക്കുന്നിടത്തുനിന്ന് വിശാലമായി ഭക്ഷിച്ചുകൊള്ളുവിൻ. എന്നാൽ, ഈ വൃക്ഷത്തെ നിങ്ങൾ സമീപിക്കരുത്. അങ്ങനെ ചെയ്താൽ നിങ്ങൾ അക്രമികളിൽ പെട്ടുപോകും.
*{فَأَزَلَّهُمَا الشَّيْطَانُ عَنْهَا فَأَخْرَجَهُمَا مِمَّا كَانَا فِيهِ وَقُلْنَا اهْبِطُوا بَعْضُكُمْ لِبَعْضٍ عَدُوٌّ وَلَكُمْ فِي الأرْضِ مُسْتَقَرٌّ وَمَتَاعٌ إِلَى حِينٍ}*
അങ്ങനെ ശൈത്വാൻ അവരെ അതിൽനിന്ന് വ്യതിചലിപ്പിച്ചു. അങ്ങനെ അവർ അനുഭവിച്ചുകൊണ്ടിരുന്ന സ്ഥിതിയിൽനിന്ന് അവരെ അവൻ പുറത്തുകളഞ്ഞു.
നാം (അല്ലാഹു ) പറഞ്ഞു: നിങ്ങൾ ഇറങ്ങിക്കൊള്ളുവിൻ; നിങ്ങളിൽ ചിലർ മറ്റുചിലർക്ക് ശത്രുക്കളായിരിക്കും. നിങ്ങൾക്ക് ഭൂമിയിൽ വാസസ്ഥലവും ഒരു അവധിവരെ സുഖഭോഗവുമുണ്ട്.
*തഫ്സീർ :*
لَمَّا خَلَقَ اللَّهُ آدَمَ وَفَضَّلَهُ؛
അല്ലാഹു ആദം (അ) നെ സൃഷ്ടിക്കുകയും അദ്ദേഹത്തെ ആദരിക്കുകയും ചെയ്തപ്പോൾ
أَتَمَّ نِعْمَتَهُ عَلَيْهِ؛
അല്ലാഹു തന്റെ അനുഗ്രഹം അദ്ദേഹത്തിന് പൂർത്തിയാക്കിക്കൊടുത്തു;
بِأَنْ خَلَقَ مِنْهُ زَوْجَةً
അദ്ദേഹത്തിൽ നിന്നുതന്നെ ഒരു ഇണയെ സൃഷ്ടിച്ചുകൊണ്ട്-
لِيَسْكُنَ إِلَيْهَا؛
അദ്ദേഹത്തിന് അവരിൽ (ഹവ്വായിൽ) സമാധാനവും കണ്ടെത്താൻ
وَيَسْتَأْنِسَ بِهَا؛
അവരെ കൊണ്ട് അദ്ദേഹത്തിന് ആശ്വാസം ലഭിക്കാനും.
وَأَمَرَهُمَا بِسُكْنَى الْجَنَّةِ؛
സ്വർഗ്ഗത്തിൽ താമസിക്കാൻ അല്ലാഹു അവർ രണ്ട് പേരോടും കൽപ്പിച്ചു,
وَالْأَكْلِ مِنْهَا رَغَدًا؛
അവിടെനിന്ന് സുഖമായി ഭക്ഷിക്കാനും അവൻ (അവരോട് കല്പിച്ചു)_
أَيْ: وَاسِعًا هَنِيئًا
അതായത് വിശാലവും ആസ്വാദ്യവുമായ രീതിയിൽ.
{حَيْثُ شِئْتُمَا}
നിങ്ങൾ ഇച്ഛിക്കുന്നിടത്തുനിന്ന് ( ഇച്ഛിക്കുന്ന വിധത്തിൽ )
{أَيْ: مِنْ أَصْنَافِ الثِّمَارِ وَالْفَوَاكِهِ؛
അതായത് പലതരം കായ്കനികളിൽ നിന്നും ഫലങ്ങളിൽ നിന്നും.
وَقَالَ اللَّهُ لَهُ:
അല്ലാഹു അദ്ദേഹത്തോട് പറഞ്ഞു:
{إِنَّ لَكَ أَلَّا تَجُوعَ فِيهَا وَلَا تَعْرَى* وَأَنَّكَ لَا تَظْمَأُ فِيهَا وَلَا تَضْحَى}- طه 118 & 119
തീർച്ചയായും നിനക്ക് അതിൽ വിശക്കുകയോ നീ അതിൽ നഗ്നനാവുകയോ ഇല്ല; തീർച്ചയായും നിനക്ക് അതിൽ ദാഹിക്കുകയോ വെയിലേൽക്കുകയോ ഇല്ല.
{وَلا تَقْرَبَا هَذِهِ الشَّجَرَةَ}
ഈ വൃക്ഷത്തെ നിങ്ങൾ രണ്ട് പേരും സമീപിക്കരുത്;
نَوْعٌ مِنْ أَنْوَاعِ شَجَرِ الْجَنَّةِ؛
അത് സ്വർഗ്ഗത്തിലെ ഒരുതരം വൃക്ഷമാണ്;
اللَّهُ أَعْلَمُ بِهَا،
അതിനെപ്പറ്റി അല്ലാഹുവാണ് ഏറ്റവും അറിയുന്നവൻ.
وَإِنَّمَا نَهَاهُمَا عَنْهَا امْتِحَانًا وَابْتِلَاءً
ഒരു പരീക്ഷണവും പരിശോധനയും എന്ന നിലയിൽ മാത്രമാണ് അവൻ അവരെ രണ്ട് പേരെയും അതിൽനിന്ന് വിലക്കിയത്
أَوْ لِحِكْمَةٍ غَيْرِ مَعْلُومَةٍ لَنَا]
അല്ലെങ്കിൽ നമുക്ക് അറിയാൻ കഴിയാത്ത ഒരു യുക്തിയാൽ.
{فَتَكُونَا مِنَ الظَّالِمِينَ}
എങ്കിൽ (ആ മരത്തെ സമീപ്പിച്ചാൽ) നിങ്ങൾ അക്രമികളിൽ പെട്ടുപോകും;
دَلَّ عَلَى أَنَّ النَّهْيَ لِلتَّحْرِيمِ؛
ആ വിലക്കൽ അത് ഹറാം ആണെന്നത് സൂചിപ്പിക്കുന്നു;
لِأَنَّهُ رَتَّبَ عَلَيْهِ الظُّلْمَ
കാരണം അതിന്മേൽ അല്ലാഹു അക്രമത്തെയാണ് ബന്ധിപ്പിച്ചു പറഞ്ഞത്.
فَلَمْ يَزَلْ عَدُوُّهُمَا يُوَسْوِسُ لَهُمَا
അങ്ങനെ അവരുടെ ശത്രു (ശൈത്വാൻ) അവരോട് ദുർബോധനം നടത്തിക്കൊണ്ടേയിരുന്നു,
وَيُزَيِّنُ لَهُمَا تَنَاوُلَ مَا نُهِيا عَنْهُ؛
വിലക്കപ്പെട്ടത് കഴിക്കുന്നത് അവൻ അവർക്ക് ഭംഗിയായി തോന്നിക്കുകയും ചെയ്തു;
حَتَّى أَزَلَّهُمَا،
അങ്ങനെ അവൻ അവരെ വഴുതിവീഴ്ത്തുന്നത് വരെ-
أَيْ: حَمَلَهُمَا عَلَى الزَّلَلِ بِتَزْيِينِهِ
അതായത് തന്റെ അലങ്കാരത്തിലൂടെ അവരെ വ്യതിചലനത്തിലേക്ക് (തെറ്റിലേക്ക് ) അവൻ ( ശൈത്വാൻ) നയിച്ചു.
{وَقَاسَمَهُمَا}
അവൻ അവർ രണ്ട് പോരോടും ആണയിട്ടു പറഞ്ഞു:
بِاللَّهِ
അല്ലാഹുവിന്റെ പേരിൽ
{إِنِّي لَكُمَا لَمِنَ النَّاصِحِينَ}
തീർച്ചയായും ഞാൻ നിങ്ങൾക്ക് ഗുണകാംക്ഷികളിൽ പെട്ടവനാണ് എന്ന്
فَاغْتَرَّا بِهِ وَأَطَاعَاهُ؛
അങ്ങനെ അവർ രണ്ടു പേരും അവനാൽ വഞ്ചിക്കപ്പെടുകയും അവനെ (ശൈത്വാനെ ) അനുസരിക്കുകയും ചെയ്തു;
فَأَخْرَجَهُمَا مِمَّا كَانَا فِيهِ مِنَ النَّعِيمِ وَالرَّغَدِ؛
അങ്ങനെ അവർ അനുഭവിച്ചുകൊണ്ടിരുന്ന അനുഗ്രഹത്തിൽ നിന്നും സുഖത്തിൽ നിന്നും അവൻ അവരെ പുറത്താക്കി;
وَأُهْبِطُوا إِلَى دَارِ التَّعَبِ وَالنَّصَبِ وَالْمُجَاهَدَةِ
കഷ്ടപ്പാടിന്റെയും അധ്വാനത്തിന്റെയും അധ്വാനത്തിൻ്റെയും ലോകത്തേക്ക് അവർ ഇറക്കപ്പെടുകയും ചെയ്തു.
{بَعْضُكُمْ لِبَعْضٍ عَدُوٌّ}
നിങ്ങളിൽ ചിലർ മറ്റുചിലർക്ക് ശത്രുക്കളായിരിക്കും;
أَيْ: آدَمُ وَذُرِّيَّتُهُ؛ أَعْدَاءٌ لِإِبْلِيسَ وَذُرِّيَّتِهِ،
അതായത് ആദമും അദ്ദേഹത്തിന്റെ സന്തതികളും ഇബ്ലീസിനും അവന്റെ സന്തതികൾക്കും ശത്രുക്കളാണ്
وَمِنَ الْمَعْلُومِ أَنَّ الْعَدُوَّ؛ يَجِدُ وَيَجْتَهِدُ فِي ضَرَرِ عَدُوِّهِ
ശത്രു തന്റെ ശത്രുവിന് ഉപദ്രവമേൽപിക്കാൻ ശ്രമിക്കുമെന്നത് അറിയപ്പെട്ട കാര്യമാണ് ,
وَإِيصَالِ الشَّرِّ إِلَيْهِ بِكُلِّ طَرِيقٍ؛
എല്ലാ മാർഗങ്ങളിലൂടെയും അവന് തിന്മ എത്തിക്കാനും,
وَحِرْمَانِهِ الْخَيْرَ بِكُلِّ طَرِيقٍ
എല്ലാ മാർഗങ്ങളിലൂടെയും അവന് നന്മ തടയാനും
🌳
فَفِي ضِمْنِ هَذَا،تَحْذِيرُ بَنِي آدَمَ مِنَ الشَّيْطَانِ
ഇതിൽ മനുഷ്യരെ പിശാചിൽ നിന്ന് ജാഗ്രതപ്പെടുത്തുന്ന കാര്യമുണ്ട്;
كَمَا قَالَ تَعَالَى
അല്ലാഹു പറഞ്ഞതുപോലെ:
{إِنَّ الشَّيْطَانَ لَكُمْ عَدُوٌّ فَاتَّخِذُوهُ عَدُوًّا إِنَّمَا يَدْعُو حِزْبَهُ لِيَكُونُوا مِنْ أَصْحَابِ السَّعِيرِ}- فاطر 6
"തീർച്ചയായും ശൈത്വാൻ നിങ്ങൾക്ക് ശത്രുവാണ്; അതിനാൽ നിങ്ങൾ അവനെ ശത്രുവായി തന്നെ കാണുക;
തന്റെ കക്ഷിക്കാരെ അവൻ ക്ഷണിക്കുന്നത് അവർ ജ്വലിക്കുന്ന നരകാവകാശികളിൽ പെടാൻ വേണ്ടി മാത്രമാണ്."
{وَإِذۡ قُلۡنَا لِلۡمَلَٰٓئِكَةِ ٱسۡجُدُواْ لِأٓدَمَ فَسَجَدُوٓاْ إِلَّآ إِبۡلِيسَ كَانَ مِنَ ٱلۡجِنِّ فَفَسَقَ عَنۡ أَمۡرِ رَبِّهِۦٓۗ أَفَتَتَّخِذُونَهُۥ وَذُرِّيَّتَهُۥٓ أَوۡلِيَآءَ مِن دُونِى وَهُمۡ لَكُمۡ عَدُوٌّۢۚ بِئۡسَ لِلظَّٰلِمِينَ بَدَلًا}- الكهف 50
" ഓര്‍ക്കുക: നാം (അല്ലാഹു) മലക്കുകളോട്: 'നിങ്ങള്‍ ആദമിനു സുജൂദു ചെയ്യുക' എന്നു പറഞ്ഞപ്പോള്‍, അവര്‍ സുജൂദു ചെയ്തു- ഇബ്ലീസ് ഒഴികെ; അവന് ജിന്നുവര്‍ഗ്ഗത്തില്‍ പെട്ടവനായിരുന്നു; അതിനാല്‍, അവന് തന്റെ രക്ഷിതാവിന്റെ കല്‍പനയെ ധിക്കരിച്ചു കളഞ്ഞു. എന്നിരിക്കെ, നിങ്ങള്‍ എന്നെവിട്ടു അവനെയും, അവന്റെ സന്തതികളെയും കാര്യകര്‍ത്താക്കളാക്കുന്നുവോ❓ അവരാകട്ടെ, നിങ്ങള്‍ക്കു ശത്രുക്കളുമാണ്! അക്രമികള്‍ക്കു പകരം കിട്ടിയതു വളരെ മോശമത്രെ! "
🌳
ثُمَّ ذَكَرَ مُنْتَهَى الْإِهْبَاطِ إِلَى الْأَرْضِ، فَقَالَ:
തുടർന്ന് ഭൂമിയിലേക്കുള്ള (ആദമിൻ്റെയും ഹവ്വായുടെയും) ഇറക്കത്തിന്റെ പരിസമാപ്തി അവൻ ഓർമ്മിപ്പിച്ചു. അവൻ പറഞ്ഞു :
{وَلَكُمْ فِي الْأَرْضِ مُسْتَقَرٌّ}
"നിങ്ങൾക്ക് ഭൂമിയിൽ വാസസ്ഥലമുണ്ട്;"
أَيْ: مَسْكَنٌ وَقَرَارٌ،
അതായത് പാർപ്പിടവും താവളവും.
{وَمَتَاعٌ إِلَى حِينٍ}
ഒരു അവധിവരെ സുഖഭോഗവുമുണ്ട്;
الى انْقِضَاءِ آجَالِكُمْ،
അതായത് നിങ്ങളുടെ ആയുസ്സ് അവസാനിക്കുന്നത് വരെ,
ثُمَّ تَنْتَقِلُونَ مِنْهَا لِلدَّارِ الَّتِي خُلِقْتُمْ لَهَا، وَخُلِقَتْ لَكُمْ
പിന്നീട് നിങ്ങൾ അതിൽനിന്ന് മാറി നിങ്ങൾക്കായി സൃഷ്ടിക്കപ്പെട്ടതും നിങ്ങൾക്കുവേണ്ടി സൃഷ്ടിക്കപ്പെട്ടതുമായ ലോകത്തേക്ക് നീങ്ങും.
🌳
فَفِيهَا أَنَّ مُدَّةَ هَذِهِ الْحَيَاةِ، مُوَقَّتَةٌ عَارِضَةٌ،
ഈ ജീവിതത്തിന്റെ കാലയളവ് സമയ നിർണ്ണിതവും ക്ഷണികവും ആണെന്നതിന് ഈ ആയത്തിൽ തെളിവുണ്ട്,
لَيْسَتْ مَسْكَنًا حَقِيقِيًّا،
അതൊരു യഥാർത്ഥ ഭവനമല്ലെന്നും
وَإِنَّمَا هِيَ مَعْبَرٌ يَتَزَوَّدُ مِنْهَا لِتِلْكَ الدَّارِ،
മറിച്ച് ആ ലോകത്തേക്ക് വേണ്ടിയുള്ള വിഭവങ്ങൾ ശേഖരിക്കുന്ന ഒരു പാലം മാത്രമാണ് അത്.
وَلَا تُعْمَرُ لِلِاسْتِقْرَارِ
സ്ഥിരതാമസത്തിനായി പരിപാലിക്കപ്പെടുന്നതല്ല ഇത് (ഈ ദുനിയാവ്)
ദർസ് 20:
ആയത്തുകൾ
37-39
*فَتَلَقَّىٰٓ ءَادَمُ مِن رَّبِّهِۦ كَلِمَٰتٍ فَتَابَ عَلَيۡهِۚ إِنَّهُۥ هُوَ ٱلتَّوَّابُ ٱلرَّحِيمُ*
അനന്തരം.(ശൈത്വാൻ്റെ പ്രേരണയാൽ വിലക്കപ്പെട്ട കനി ഭക്ഷിച്ച ശേഷം) ആദം തന്റെ റബ്ബിൽ നിന്ന് ചില (തൗബയുടെ) വചനങ്ങള്‍ സ്വീകരിച്ചു (പഠിച്ചു).
അങ്ങനെ (പശ്ചാത്തപിച്ചപ്പോൾ) അവന് (അല്ലാഹു) അദ്ദേഹത്തിൻ്റെ (ആദമിൻ്റെ) പശ്ചാത്താപം സ്വീകരിച്ചു. നിശ്ചയമായും അവന് തന്നെയാണ് വളരെയധികം പശ്ചാത്താപം സ്വീകരിക്കുന്നവനും, കരുണാനിധിയുമായുള്ളവന്‍.
*قُلۡنَا ٱهۡبِطُواْ مِنۡهَا جَمِيعًاۖ فَإِمَّا يَأۡتِيَنَّكُم مِّنِّى هُدًى فَمَن تَبِعَ هُدَاىَ فَلَا خَوۡفٌ عَلَيۡهِمۡ وَلَا هُمۡ يَحۡزَنُونَ*
നാം (അല്ലാഹു) പറഞ്ഞു: 'നിങ്ങളെല്ലാവരും ഇവിടെ (സ്വർഗ്ഗത്തിൽ) നിന്നു ഇറങ്ങിപ്പോകുക. എന്നിട്ട് എന്റെ പക്കല്‍ നിന്നുള്ള മാര്‍ഗദര്‍ശനം (ഹുദാ) നിങ്ങള്‍ക്കു വരുന്നപക്ഷം , എന്റെ മാര്‍ഗദര്‍ശനം ആര്‍ പിന്‍പറ്റിയോ, അവർക്ക് ഭയമില്ല; അവര്‍ വ്യസനിക്കുകയുമില്ല.
*وَٱلَّذِينَ كَفَرُواْ وَكَذَّبُواْ بِئَايَٰتِنَآ أُوْلَٰٓئِكَ أَصۡحَٰبُ ٱلنَّارِۖ هُمۡ فِيهَا خَٰلِدُونَ*
'അവിശ്വസിക്കുകയും, നമ്മുടെ ദൃഷ്ടാന്തങ്ങളെ വ്യാജമാക്കുകയും ചെയ്തവരാകട്ടെ അക്കൂട്ടര്‍ നരകത്തിന്‍റെ ആള്‍ക്കാരാകുന്നു; അവരതില്‍ സ്ഥിരവാസികളായിരിക്കും.
🌴🌴🌴🌴🌴
തഫ്സീർ :
{فَتَلَقَّىٰ آدَمُ}
(ആദം സ്വീകരിച്ചു)
أَيْ: تَلَقَّفَ وَتَلَقَّنَ،
അതായത് അദ്ദേഹം ഗ്രഹിക്കുകയും ഏറ്റു സ്വീകരിക്കുകയും ചെയ്തു.
وَأَلْهَمَهُ اللَّهُ
അല്ലാഹു അദ്ദേഹത്തിന് തോന്നിപ്പിച്ചു:
{مِنْ رَبِّهِ كَلِمَاتٍ}
(തന്റെ റബ്ബിങ്കൽ നിന്ന് ചില വചനങ്ങൾ)
وَهِيَ قَوْلُهُ:
ആ വചനങ്ങൾ അവൻ്റെ (അല്ലാഹുവിൻ്റെ) ഈ വചനമാണ് (ആയത്തിൽ ഉള്ളതാണ് )
{قَالَا *رَبَّنَا ظَلَمۡنَآ أَنفُسَنَا وَإِن لَّمۡ تَغۡفِرۡ لَنَا وَتَرۡحَمۡنَا لَنَكُونَنَّ مِنَ ٱلۡخَٰسِرِينَ*- الأعراف 23}
"അവര്‍ രണ്ടാളും പറഞ്ഞു: ' *ഞങ്ങളുടെ റബ്ബേ, ഞങ്ങള്‍ ഞങ്ങളോട് തന്നെ അക്രമം പ്രവര്‍ത്തിച്ചു; നീ ഞങ്ങള്‍ക്ക്‌ പൊറുത്തു തരുകയും, ഞങ്ങളോട് കരുണ ചെയ്യുകയും ചെയ്‌തില്ലെങ്കില്‍, നിശ്ചയമായും ഞങ്ങള്‍ നഷ്‌ടപ്പെട്ടവരുടെ കൂട്ടത്തില്‍ പെട്ടവരായിത്തീരുകതന്നെ ചെയ്യും'*"
فَاعْتَرَفَ بِذَنْبِهِ
അങ്ങനെ അദ്ദേഹം (ആദം) തന്റെ കുറ്റം സമ്മതിക്കുകയും,
وَسَأَلَ اللَّهَ مَغْفِرَتَهُ
അല്ലാഹുവിനോട് പാപമോചനം തേടുകയും ചെയ്തു.
{فَتَابَ}اللَّهُ{عَلَيْهِ} وَرَحِمَهُ
അപ്പോൾ അല്ലാഹു അദ്ദേഹത്തിന് പശ്ചാത്താപം സ്വീകരിച്ചു;ഒപ്പം കരുണ ചെയ്യുകയും ചെയ്തു.
{إِنَّهُ هُوَ التَّوَّابُ}
(തീർച്ചയായും അവൻ പശ്ചാത്താപ് സ്വീകരിക്കുന്നവനാണ്)
لِمَنْ تَابَ إِلَيْهِ وَأَنَابَ
തന്നിലേക്ക് പശ്ചാത്തപിച്ചു മടങ്ങുന്നവർക്ക്.
وَتَوْبَتُهُ نَوْعَانِ:
അല്ലാഹുവിന്റെ പശ്ചാത്താപ സ്വീകരണം രണ്ട് വിധത്തിലാണ്
تَوْفِيقُهُ أَوَّلًا
ഒന്നാമതായി പശ്ചാത്തപിക്കാൻ അല്ലാഹുവിൻ്റെ തൗഫീഖ് എന്നത് ,
ثُمَّ قَبُولُهُ لِلتَّوْبَةِ
പിന്നെ പശ്ചാത്താപം സ്വീകരിക്കുക എന്നത് -
إِذَا اجْتَمَعَتْ شُرُوطُهَا
അതിന്റെ ശർത്വുകൾ ഒത്തുവരുമ്പോൾ.
🌴
{الرَّحِيمِ}
(പരമദയാലുവുമായ)
بِعِبَادِهِ،
അവൻ്റെ അടിമകളോട്
وَمِنْ رَحْمَتِهِمْ،
അവരുടെ മേലുള്ള അവന്റെ കാരുണ്യത്തിൽ പെട്ടതാണ്:-
أَنْ وَفَّقَهُمْ لِلتَّوْبَةِ،
അവർക്ക് പശ്ചാത്തപിക്കാൻ അവൻ തൗഫീഖ് നൽകി എന്നതും,
وَعَفَا عَنْهُمْ وَصَفَحَ.
അവർക്ക് മാപ്പ് നൽകിയതും അവരോട് പൊറുത്തതും.كرَّرَ الإِهْبَاطَ،
(സ്വർഗ്ഗത്തിൽ നിന്ന് ) പുറത്താകലിനെ അല്ലാഹു ആവർത്തിച്ച് പറഞ്ഞു-
لِيُرَتِّبَ عَلَيْهِ مَا ذُكرَ
പറയപ്പെട്ടിട്ടുള്ള കാര്യം (ആയത്തിൻ്റെ അടുത്ത ഭാഗം) അതിൻ്റെ തുടർച്ചയായി ക്രമീകരിക്കാൻ വേണ്ടിയാണിത്.
وَهُوَ قَوْلُهُ:
അത് അവൻ്റെ ഈ വചനമാണ് :
{فَإِمَّا يَأْتِيَنَّكُمْ مِنِّي هُدًى}
(എന്റെ പക്കൽ നിന്ന് നിങ്ങൾക്ക് മാർഗദർശനം വന്നാൽ) എന്ന വചനമാണത്.
أَيْ: أَيَّ وَقْتٍ وَزَمَانٍ جَاءَكُمْ مِنِّي -يَا مَعْشَرَ الثَّقَلَيْنِ- هُدًى،
അതായത് -മനുഷ്യരും ജിന്നുകളുമായ സമൂഹമേ- ഏത് സമയത്തും കാലത്തും എന്റെ പക്കൽ നിന്ന് നിങ്ങൾക്ക് മാർഗദർശനം വന്നാൽ,
أَيْ: رَسُولٌ وَكِتَابٌ
അതായത് റസൂലും കിതാബും-
يَهْدِيكُمْ لِمَا يُقَرِّبُكُمْ مِنِّي، وَيُدْنِيكُمْ مِنِّي؛
എന്നിലേക്ക് അടുപ്പിക്കുന്നതിലേക്കും എന്നിലേക്ക് നിങ്ങളെ സാമീപ്യപ്പെടുത്തുന്നതിലേക്കും
وَيُدْنِيكُمْ مِنْ رِضَائِي،
എന്റെ തൃപ്തിയിലേക്ക് നിങ്ങളെ അടുപ്പിക്കുന്നതിലേക്കും (വഴി നടത്തുന്നതായ)
🌳
{فَمَنْ تَبِعَ هُدَايَ} مِنْكُمْ،
അപ്പോൾ-ൽനിങ്ങളിൽ നിന്ന്- ആരെങ്കിലും എന്റെ മാർഗദർശനം പിൻപറ്റിയാൽ
بِأَنْ آمَنَ بِرُسُلِي وَكُتُبِي، وَاهْتَدَى بِهِمْ،
അതായത് എന്റെ ദൂതന്മാരിലും ഗ്രന്ഥങ്ങളിലും വിശ്വസിക്കുകയും, അവ മൂലം സൻമാർഗ്ഗം സിദ്ധിക്കുകയും ചെയ്തു കൊണ്ട് ,
وَذَلِكَ بِتَصْدِيقِ جَمِيعِ أَخْبَارِ الرُّسُلِ وَالْكُتُبِ،
എല്ലാ മുർസലീങ്ങളുടെയും കിതാബുകളുടെയും വിവരങ്ങൾ സത്യപ്പെടുത്തൽ കൊണ്ട് ,
وَالِامْتِثَالِ لِلْأَمْرِ وَالِاجْتِنَابِ لِلْنَّهْيِ،
കൽപ്പിക്കപ്പെട്ടത് പാലിക്കുകയും വിരോധിക്കപ്പെട്ടത് വർജിക്കുകയും ചെയ്ത് കൊണ്ട് .
🌳
{فَلَا خَوْفٌ عَلَيْهِمْ وَلَا هُمْ يَحْزَنُونَ}.
(അവർക്ക് യാതൊരു ഭയവുമില്ല, അവർ ദുഃഖിക്കേണ്ടി വരികയുമില്ല).
وَفِي الْآيَةِ الْأُخْرَى:
മറ്റൊരു ആയത്തിൽ ഇപ്രകാരമുണ്ട്:
{فَمَنِ اتَّبَعَ هُدَايَ فَلَا يَضِلُّ وَلَا يَشْقَى - طه 123}.
(ആരെങ്കിലും എന്റെ മാർഗദർശനം പിൻപറ്റിയാൽ അവൻ വഴിപിഴക്കുകയോ പരാജിതനാവുകയോ ഇല്ല).
فَرَتَّبَ عَلَى اتِّبَاعِ هُدَاهُ أَرْبَعَةَ أَشْيَاءَ:
അങ്ങനെ അവൻ്റെ (അല്ലാഹുവിൻ്റെ) മാർഗദർശനം പിൻപറ്റുന്നത് ഫലമായുള്ള നാല് കാര്യങ്ങൾ തുടർത്തി അവൻ പറഞ്ഞിരിക്കുന്നു.:-
نَفْيُ الْخَوْفِ وَالْحُزْنِ
ഭയവും ദുഃഖവും ഇല്ലാ താവൽ:
وَالْفَرْقُ بَيْنَهُمَا،
അവ തമ്മിലുള്ള വ്യത്യാസവും ഇതാണ്:
أَنَّ الْمَكْرُوهَ إِنْ كَانَ قَدْ مَضَى، أَحْدَثَ الْحُزْنَ
അനിഷ്ടകരമായ കാര്യം കഴിഞ്ഞുപോയതാണെങ്കിൽ അത് ദുഃഖമുണ്ടാക്കുന്നു;
وَإِنْ كَانَ مُنْتَظَرًا، أَحْدَثَ الْخَوْفَ،
ഇനി അത് ഭാവിയിൽ പ്രതീക്ഷിക്കപ്പെടുന്നതാണെങ്കിൽ അത് ഭയമുണ്ടാക്കുന്നു.
فَنَفَاهُمَا عَمَّنِ اتَّبَعَ هُدَاهُ
അങ്ങനെ തന്റെ മാർഗദർശനം പിൻപറ്റിയവരിൽ നിന്ന് ആ രണ്ടും അല്ലാഹു ഇല്ലാതാക്കി.
وَإِذَا انْتَفَيَا، حَصَلَ ضِدُّهُمَا،
ആ രണ്ടും ഇല്ലാതാകുമ്പോൾ അവയുടെ വിപരീതമാണ് കരസ്ഥമാവുന്നത്;
وَهُوَ الْأَمْنُ التَّامُّ،
അതായത് പൂർണ്ണമായ നിർഭയത്വം.
🌴
وَكَذَلِكَ نَفْيُ الضَّلَالِ وَالشَّقَاءِ عَمَّنِ اتَّبَعَ هُدَاهُ
അതുപോലെ തന്റെ മാർഗദർശനം പിൻപറ്റിയവരിൽ നിന്ന് വഴികേടും പരാജയവും ഒഴിവാക്കിക്കൊടുത്തു.
وَإِذَا انْتَفَيَا ثَبَتَ ضِدُّهُمَا،
ആ രണ്ടും ഇല്ലാതാകുമ്പോൾ അവയുടെ വിപരീതം സ്ഥിരപ്പെടുന്നു
وَهُوَ الْهُدَى وَالسَّعَادَةُ،
അതായത് നേർമാർഗവും സൗഭാഗ്യവും.
فَمَنْ اتَّبَعَ هُدَاهُ، حَصَلَ لَهُ الْأَمْنُ وَالسَّعَادَةُ الدُّنْيَوِيَّةُ وَالْأُخْرَوِيَّةُ وَالْهُدَى،
അതിനാൽ ആരെങ്കിലും അവിടുത്തെ മാർഗദർശനം പിൻപറ്റിയാൽ അവന് ഐഹികവും പാരത്രികവുമായ നിർഭയത്വവും സൗഭാഗ്യവും നേർമാർഗവും ലഭിച്ചു.
وَانْتَفَى عَنْهُ كُلُّ مَكْرُوهٍ، مِنَ الْخَوْفِ، وَالْحُزْنِ، وَضَّلَالِ، وَالشَّقَاءِ،
ഭയം, ദുഃഖം, വഴികേട്, പരാജയം എന്നീ എല്ലാ അനിഷ്ടങ്ങളും അവനിൽ നിന്ന് അകന്നു പോയി.
فَحَصَلَ لَهُ الْمَرْغُوبُ، وَانْدَفَعَ عَنْهُ الْمَرْهُوبُ،
അങ്ങനെ അവന് ആഗ്രഹിച്ച കാര്യം ലഭിക്കുകയും, ഭയപ്പെട്ട കാര്യം അവനിൽ നിന്ന് തടയുകയും ചെയ്തു.
وَهَذَا عَكْسُ مَنْ لَمْ يَتْبَعْ هُدَاهُ، فَكَفَرَ بِهِ، وَكَذَّبَ بِآيَاتِهِ.
അല്ലാഹുവിൻ്റെ മാർഗദർശനം പിൻപറ്റാതെ, അതിൽ അവിശ്വസിക്കുകയും അവൻ്റെ ദൃഷ്ടാന്തങ്ങളെ നിഷേധിക്കുകയും ചെയ്തവന്റെ അവസ്ഥ ഇതിന് നേരെ വിപരീതമാണ്
فَـ {أُولَئِكَ أَصْحَابُ النَّارِ}
അവർ നരകാവകാശികളാകുന്നു.
أَيْ: الْمُلَازِمُونَ لَهَا، مُلَازَمَةَ الصَّاحِبِ لِصَاحِبِهِ، .....
അതായത്, കൂട്ടുകാരൻ തന്റെ കൂട്ടുകാരനോടൊപ്പമെന്നതുപോലെ നരകവുമായി എപ്പോഴും പറ്റിച്ചേർന്നു നിൽക്കുന്നവരാണവർ.
🌴
{هُمْ فِيهَا خَالِدُونَ}
(അവർ അതിൽ നിത്യവാസികളായിരിക്കും).
لَا يَخْرُجُونَ مِنْهَا،
അവർ അതിൽ നിന്ന് പുറത്തുപോവുകയില്ല,
وَلَا يَفْتُرُ عَنْهُمُ الْعَذَابُ
അവർക്ക് ശിക്ഷ ഇളവു ചെയ്യപ്പെടുകയുമില്ല,
وَلَا هُمْ يُنْصَرُونَ.
അവർ സഹായിക്കപ്പെടുകയുമില്ല
وَفِي هَذِهِ الْآيَاتِ وَمَا أَشْبَهَهَا،
ഈ ആയത്തുകളിലും ഇതിനോട് സാമ്യമുള്ളവയിലും തെളിവുണ്ട് :-
انْقِسَامُ الْخَلْقِ مِنَ الْجِنِّ وَالْإِنْسِ، إِلَى أَهْلِ السَّعَادَةِ، وَأَهْلِ الشَّقَاوَةِ،
ജിന്നുകളും മനുഷ്യരുമായ സൃഷ്ടികൾ സൗഭാഗ്യവാന്മാരെന്നും ദൗഭാഗ്യവാന്മാരെന്നും രണ്ടായി വിഭജിക്കപ്പെട്ടിരിക്കുന്നു എന്നതിന്,
وَفِيهَا صِفَاتُ الْفَرِيقَيْنِ وَالْأَعْمَالُ الْمُوجِبَةُ لِذَلِكَ،
രണ്ട് വിഭാഗങ്ങളുടെയും വിശേഷണങ്ങളും അതിന് കാരണമാകുന്ന പ്രവർത്തനങ്ങളും ഇതിലുണ്ട്;
وَأَنَّ الْجِنَّ كَالْإِنْسِ فِي الثَّوَابِ وَالْعِقَابِ، كَمَا أَنَّهُمْ مِثْلُهُمْ، فِي الْأَمْرِ وَالنَّهْيِ.
കൽപ്പനകളിലും വിലക്കുകളിലും മനുഷ്യരെപ്പോലെത്തന്നെയാണ് ജിന്നുകളും എന്നതുപോലെ, പ്രതിഫലത്തിലും ശിക്ഷയിലും ജിന്നുകൾ മനുഷ്യരെപ്പോലെത്തന്നെയാണ് ( എന്നതും ഈ ആയത്തിൽ നിന്ന് തെളിയുന്നു )
🌴🌴🌴
*തഫ്സീർ സംഗ്രഹം*:
1. ഭൂമിയിൽ ഒരു ഖലീഫയെ നിശ്ചയിക്കാൻ പോകുന്നുവെന്ന് അല്ലാഹു മലക്കുകളെ അറിയിച്ചപ്പോൾ, "ഭൂമിയിൽ കുഴപ്പമുണ്ടാക്കുകയും രക്തം ചിന്തുകയും ചെയ്യുന്നവരെയാണോ അവിടെ നിയോഗിക്കുന്നത്⁉️ " എന്ന് മലക്കുകൾ അല്ലാഹുവിനോട് ചോദിക്കുകയുണ്ടായി. എന്നാൽ മലക്കുകൾക്ക് അറിയാത്ത വലിയ ചില യുക്തികളും നന്മകളും ഈ സൃഷ്ടിപ്പിലുണ്ടെന്ന് അല്ലാഹു വ്യക്തമാക്കി.
2.ആദമിന് വസ്തുക്കളുടെ നാമങ്ങളും അവയുടെ ആശയങ്ങളും അല്ലാഹു പഠിപ്പിച്ചു കൊടുക്കുകയും, എന്നാൽ മലക്കുകൾക്ക് ആദമിനെ പോലെ വസ്തുക്കളുടെ പേരുകൾ അറിയാൻ സാധിക്കാതെ വരികയും, തങ്ങളുടെ അറിവില്ലായ്മയും അല്ലാഹുവിന്റെ സർവ്വജ്ഞാനവും യുക്തിയും അവർ സമ്മതിച്ചു കൊടുക്കുകയും ചെയ്തു.
ഇതിലൂടെ മനുഷ്യന്റെയും വിജ്ഞാനത്തിന്റെയും ശ്രേഷ്ഠത വ്യക്തമായി.
3.അല്ലാഹുവിന്റെ കൽപ്പനയനുസരിച്ച് മലക്കുകളെല്ലാം അദ്ദേഹത്തിന് സുജൂദ് ചെയ്തു. എന്നാൽ ജിന്നുകളിൽ പെട്ട ഇബ്ലീസ് അഹങ്കാരം നടിക്കുകയും അല്ലാഹുവിൻ്റെ കൽപ്പന ധിക്കരിക്കുകയും ചെയ്തു. അവന്റെ ഉള്ളിലൊതുക്കിക്കൂട്ടിയിരുന്ന കുഫ്റും ആദമിനോടുള്ള ശത്രുതയും അതുവഴി വെളിപ്പെടുകയും ചെയ്തു.
4. ആദം നബി (അ)യെയും ഇണ ഹവ്വാ(അ)യെയും അല്ലാഹു സ്വർഗത്തിൽ താമസിപ്പിക്കുകയും, അവിടെയുള്ള ഏത് ആഹാരവും വിശാലമായി ഭക്ഷിക്കാൻ അനുവദിക്കുകയും ചെയ്തു.
എന്നാൽ ഒരു പ്രത്യേക വൃക്ഷത്തെ മാത്രം സമീപിക്കരുതെന്ന് അല്ലാഹു പരീക്ഷണമായി വിലക്കി. പക്ഷേ, ശൈത്വാന്റെ ദുർബോധനത്തിനും വഞ്ചനയ്ക്കും വഴിപ്പെട്ട് അവർ വിലക്കപ്പെട്ട ആ കനി ഭക്ഷിക്കുകയും, അതോടെ സ്വർഗത്തിലെ അനുഗ്രഹങ്ങളിൽ നിന്ന് അവർ പുറത്താക്കപ്പെടുകയും ചെയ്തു.
5. ആദമും ഹവ്വയും ഇബ്ലീസും ഭൂമിയിലേക്ക് ഇറക്കപ്പെട്ടു. മനുഷ്യരും പിശാചും പരസ്പരം ശത്രുക്കളായിരിക്കുമെന്നും, ഭൂമിയിൽ ഒരു നിശ്ചിത അവധിവരെ മാത്രമേ വാസസ്ഥലവും സുഖഭോഗങ്ങളും ഉണ്ടായിരിക്കുകയുള്ളൂ എന്നും അല്ലാഹു പ്രഖ്യാപിച്ചു. ഈ ദുനിയാവ് സ്ഥിരതാമസമുള്ള വീടല്ലെന്നും പരലോകത്തേക്ക് വിഭവം ശേഖരിക്കുന്ന ഒരിടം മാത്രമാണെന്നും ഇത് സൂചിപ്പിക്കുന്നു.
6. തെറ്റ് മനസ്സിലാക്കിയ ആദം നബിയും ഹവ്വയും തങ്ങളുടെ കുറ്റം ഏറ്റുപറയുകയും റബ്ബിനോട് പാപമോചനം തേടുകയും ചെയ്തു.
رَبِّنَا ظَلَمْنَا أَنْفُسَنا وَإِنْ لَمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ
"ഞങ്ങളുടെ റബ്ബേ, ഞങ്ങൾ ഞങ്ങളോടുതന്നെ അക്രമം ചെയ്തിരിക്കുന്നു. നീ ഞങ്ങൾക്ക് പൊറുത്തുതരികയും ഞങ്ങളോട് കരുണ കാണിക്കുകയും ചെയ്തില്ലെങ്കിൽ തീർച്ചയായും ഞങ്ങൾ നഷ്ടക്കാരുടെ കൂട്ടത്തിലാകും." - ഈ പ്രാർഥനയാണ് അല്ലാഹു തന്നെ പഠിപ്പിച്ചത് പ്രകാരം അവർ പ്രാർഥിച്ചത്.
അവരുടെ പശ്ചാത്താപം അല്ലാഹു സ്വീകരിക്കുകയും അവർക്ക് മാപ്പ് നൽകുകയും ചെയ്തു.
7.ഭൂമിയിലേക്ക് അവരെ ഇറക്കുമ്പോൾ അല്ലാഹു ഒരു അടിസ്ഥാന നിയമം പ്രഖ്യാപിച്ചു: "തന്റെ പക്കൽ നിന്നുള്ള മാർഗദർശനം (ഹുദാ) വരുമ്പോൾ അത് പിൻപറ്റുന്നവർക്ക് ഭയമോ ദുഃഖമോ ഉണ്ടാകില്ല; അവർക്ക് ഐഹികവും പാരത്രികവുമായ നിർഭയത്വവും സൗഭാഗ്യവും നേർമാർഗവും ലഭിക്കും. എന്നാൽ അത് നിഷേധിക്കുകയും തള്ളിക്കളയുകയും ചെയ്യുന്നവർ നരകാവകാശികളായിരിക്കും"- ഇതായിരുന്നു ആ പ്രഖ്യാപനം. മുർസലീങ്ങളും കിതാബുകളും വഴിയാണ് അല്ലാഹു സൻമാർഗ്ഗം മനുഷ്യർക്ക് അറിയിച്ച് കൊടുത്തിട്ടുള്ളത്.
8. മനുഷ്യരെപ്പോലെത്തന്നെ ജിന്നുകൾക്കും കൽപ്പനകളും വിലക്കുകളും പ്രതിഫലവും ശിക്ഷയും ബാധകമാണ്.
